Прынцыповыя электрычныя схемы


F-Connectors

Пасіўны сплітэр сігнала

Такая прылада можа спатрэбіцца ў выпадку, калі вельмі хочацца далучыць адначасова 2 спадарожнікавых рэсівера да адной галоўкі і глядзець перадачы незалежна на кожным з рэсівераў. Звычайна, заўсёды ёсць выбар - усталяваць дадатковую міску ці прыдбаць галоўку з двумя выхадамі (што лепей за ўсё, але не ў плане кошту), аднак ёсць выйсце папрасцей, якшто плануецца прагляд з спадарожнікаў, якія працуюць толькі ў адным дыяпазоне (ніжні 10.7-11.7ГГц, верхні 11.7-12.75ГГц), а таксама ў адной палярызацыі. Такіх спадарожнікаў даволі шмат. Гэтай умове адпавядаюць спадарожнікі Ямал 49°в.д., LMI-1(ABS-1) 75°в.д., Sirius 5°в.д., Amos 4°з.д., Ямал 90°в.д.(Ku-Band), часткова Express AM22 53°в.д., Ямал 90°в.д.(C-Band), Express AM2 80°в.д.(C-Band) і інш. Наступная прылада дазваляе зрабіць вышэй сказанае.

Прыклад падключэння:
Схема далучэння сплітэра сігнала

Падключаць адзін і той жа спадарожнік да аднолькавага парта дзісэка зусім не абавязкова, бо гэта не мае значэння. Працаздольнасць ад гэтага не залежыць.


Прынцыповая схема сплітэра:
Схема сплітэра сігнала спадарожнікавага ТБ

Прылада сабрана ў корпусе ад стандартнага тэлевізійнага сплітэра/суматара навясным мантажом. Пасля таго, як прылада праверана, корпус можна заліць разплаўленым поліэтыленам, пасля закрыць крышку.

Вонкавы выгляд сабранай прылады
Фота элементаў сплітэра сігнала спадарожнікавага ТБ

Індуктыўнасці трэба абіраць паводле масімальнага тока ў 500мА, хаця звычайна галоўкі не бяруць болей за 150мА. Намінал індуктыўнасці ад 10мкГн. Розная колькасць дыёдаў стаіць для таго, каб сігналы 22кГц не перашкаджалі адзін аднаму пры рабоце ў верхнім дыяпазоне. Гэта тычыцца яшчэ і каманд дзісэка, якія таксама выкарыстоўваюць сігнал 22кГц. Так як падзенне напружання на адкрытым дыёдзе каля 0.6В, то сігнал 22кГц, амплітуда якога таксама 0.6В, будзе праходзіць на галоўку толькі з аднаго рэсівера, падчас адначасовай працы 2-х рэсівераў разам. Гэта будзе працаваць, калі напружанні 13/18В не будуць адрознівацца у рэсівераў. У некаторых падчас вертыкальнай палярызацыі бывае і 14В замест 13-ці. Можна паспрабаваць паставіць замест двух тры дыёды. Нажаль, як паказвае практыка, гэта не заўсёды дапамагае.

Асабіста я такім метадам прымаю Сірыус, Амос і Ямал 90°(Ку-дыяпазон). Канфліктаў цалкам удалося пазбавіцца, калі я замест дзісэка на SkyStar2 паставіў комба-світч, размова пра які будзе ніжэй. На другім баку застаўся дзісэк 1.0.


H/V-Switch

Світч па палярызацыі з выкарыстаннем рэле

А вось неабходнасць у гэтай прыладзе можа ўзнікнуць у выпадку, калі вам патрэбна падключыць болей за 4 галоўкі пры дапамозе дзісэка 1.0 да рарытэтнага прымача ці карткі SkyStar2, у якіх няма выхада 0/12В. Ці, напрыклад, такі выхад існуе, але вам нязручна цягнуць яшчэ адзін дрот на гарышча ці на дах шматпавярхоўкі. Гэта прылада - альтэрнатыва з абмежаванымі, але дастатковымі магчымасцямі супраць дзісэкаў на 6, 8 ці 10 выхадаў, якія працуюць па пратаколу 1.1/1.2.

Сутнасць абмежаванняў у тым, што далучаемыя спадарожнікі маюць працаваць у розных палярызацыях. Такіх спадарожнікаў таксама даволі шмат. Такім чынам можна аб'яднаць Amos 4W і LMI 75E, далучыўшы іх на адзін з партоў DiSeqC і ў наладках прымача пазначыць аднолькавы порт для Amos і LMI.

Прыклад падключэння:
HV-Switch Using Scheme

Асновай світча з'яўляецца маламагутнае рэле, якое зпрацоўвае пры падачы на ўваход напружання болей 15В. Парогавым прыборам тут служыць стабілітрон з рабочым напружаннем 15В. Прылада, звычайна, дадае аслаблення у сігнал, прычым на вертыкальнай палярызацыі аслабленне болей, што вызначаецца мантажом. Трэба пры мантажы намагацца скарачаць даўжыню дротаў, а таксама выкарыстоўваць тоўстыя дроты без пакрыцця прыпоем. Можна выкарыстоўваць транзістар КТ315Б, рэле: TR5V L-12VDC-S-Z фірмы TIANBO. Стабілітрон на напружанне 15В і ток стабілізацыі ад 1мА. Якшто кандэнсатар C1 не ўсталёўваць, то рэле можа не адпускаць пры пераходзе з гарызантальнай на вертыкальную палярызацыю, пагэтаму кандэнсатар патрэбны (першая версія была без яго). Схема змяшчаецца ў стандартны корпус ад тэлевізійнага разгалінавацеля і пры неабходнасці можа быць залітая поліэтыленам пры дапамозе адмысловага прыстасавання для герметызацыі, каб не патрэбна было герметызаваць крышку.

Схема прылады:
Схема світча па палярызацыі

Вонкавы выгляд выкарыстоўваемых рэле і сабранай канструкцыі:
TIANBO Relays Sat H/V-Switch Photo

Уваходы і выхады на фота пазначаны адносна ВЧ-сігнала.



Ŭeb dyzajn, zdymki i malunki ad Juraś-Projects. Jurasieva amatarskaja staronka. Usie pravy abaronienyja. © 2006-2020. Беларускамоўная версія.